ການນໍາພັກ, ລັດລາວ ເຂົ້າໄວ້ອາໄລ ແລະບັນທຶກໃສ່ໃນປື້ມໄວ້ອາໄລອະດີດນາຍົກລັດຖະມົນຕີ ຟານວັນຂາຍ

ກປ.ອອນໄລ – ຕອນເຊົ້າວັນທີ 20 ມີນາ, ຕາງໜ້າພັກ ແລະລັດ ສປປ ລາວ, ທ່ານ ທອງລຸນ ສີສຸລິດ, ກໍາມະການກົມການເມືອງ, ນາຍົກລັດຖະມົນຕີ ແຫ່ງ ສປປ ລາວ ໄດ້ນໍາໜ້າຄະນະຜູ້ແທນຂັ້ນສູງ ແຫ່ງ ສປປ ລາວ ໄປສະຖານທູດຫວຽດນາມ ປະຈຳ ລາວ ເພື່ອໄວ້ອາໄລ ແລະບັນທຶກໃສ່ໃນປື້ມໄວ້ອາໄລ ສະຫາຍ ຟານວັນຂາຍ, ອະດີດກໍາມະການກົມການເມືອງ, ອະດີດນາຍົກລັດຖະມົນຕີ ແຫ່ງ ສສ ຫວຽດນາມ, ທີ່ໄດ້ມໍລະນະກຳເມື່ອວັນທີ 17 ມີນາ 2018.

ທ່ານ ທອງລຸນ ສີສຸລິດ, ກໍາມະການກົມການເມືອງ, ນາຍົກລັດຖະມົນຕີ ແຫ່ງ ສປປ ລາວ ໄວ້ອາໄລ ອະດີດນາຍົກລັດຖະມົນຕີ ຟານວັນຂາຍ ຢູ່ສະຖານທູດຫວຽດນາມ ປະຈໍາ ລາວ. ພາບ: ສໍານັກຂ່າວສານຫວຽດນາມ.

ພາຍຫຼັງພິທີໄວ້ອາໄລ, ທ່ານນາຍົກລັດຖະມົນຕີລາວ ທອງລຸນ ສີສຸລິດ ໄດ້ບັນທຶກໃສ່ໃນປື້ມໄວ້ອາໄລດ້ວຍເນື້ອໃນທີ່ວ່າ: “ຄະນະບໍລິຫານງານສູນກາງພັກປະຊາຊົນປະຕິວັດ ລາວ; ສະພາແຫ່ງຊາດ ແຫ່ງ ສປປ ລາວ, ລັດຖະບານ ແຫ່ງ ສປປ ລາວ ແລະສູນກາງແນວລາວສ້າງຊາດ ຂໍສະແດງຄວາມເສົ້າສະຫຼົດໃຈຢ່າງສຸດຊື້ງຕໍ່ການຈາກໄປຢ່າງບໍ່ມີວັນຫວນກັບຂອງ ສະຫາຍ ຟານວັນຂາຍ, ອະດີດກໍາມະການກົມການເມືອງ, ອະດີດນາຍົກລັດຖະມົນຕີ ແຫ່ງ ສສ ຫວຽດນາມ. ການຈາກໄປຂອງສະຫາຍ ຟານວັນຂາຍ ທີ່ພັກ, ລັດ ແລະປະຊາຊົນຫວຽດນາມ ອ້າຍນ້ອງບໍ່ພຽງແຕ່ເສຍຜູ້ນໍາທີ່ແສນເຄົາລົບຮັກເທົ່ານັ້ນ, ເຊິ່ງພັກ, ລັດ ແລະປະຊາຊົນ ລາວ ພວກຂ້າພະເຈົ້າກໍ່ເສຍເພື່ອນທີ່ໃກ້ສິດ ແລະສະໜິດສະໜົມໄປຜູ້ໜຶ່ງ”.

ຕອນເຊົ້າວັນດຽວກັນ, ຄະນະຜູ້ແທນກະຊວງການຕ່າງປະເທດ ລາວ; ຄະນະກຳມະການຮ່ວມມື ລາວ-ຫວຽດນາມ; ຄະນະຜູ້ແທນສະຖານທູດ ຫວຽດນາມ ແລະບັນດາອົງການຄຽງຂ້າງສະຖານທູດຫວຽດນາມ, ພ້ອມກັບປະຊາຄົມ ຊາວຫວຽດນາມ ທີ່ພວມດຳລົງຊີວິດຢູ່ ລາວ… ກໍ່ໄດ້ເຂົ້າໄວ້ອາໄລ ແລະບັນທຶກໃສ່ໃນປື້ມໄວ້ອາໄລ ສະຫາຍ ຟານວັນຂາຍ ຢູ່ສະຖານທູດຫວຽດນາມ ປະຈໍາ ສປປ ລາວ ເປັນຈຳນວນຫຼວງຫຼາຍ.ພິທີໄວ້ອາໄລທ່ານອະດີດນາຍົກລັດຖະມົນຕີຫວຽດນາມ ຟານວັນຂາຍ, ອະດີດກຳມະການກົມການເມືອງ, ອະດີດນາຍົກລັດຖະມົນຕີ, ສະມາຊິກສະພາແຫ່ງຊາດຊຸດທີ VIII, IX, X, XI, ຖືກດຳເນີນຢູ່ສະໂມສອນທົງເຍີດ , ນະຄອນ ໂຮ່ຈິມິນ ແລະ ຈະແກ່ຍາວຮອດວັນທີ 21 ມີນາ 2018.

ແປໂດຍ: ເຈິ່ນຮວ່ຽນ

(http://la.qdnd.vn/cid-7636/7644/nid-505153.html)

Trả lời

Email của bạn sẽ không được hiển thị công khai. Các trường bắt buộc được đánh dấu *